Skilmálar

Almennar upplýsingar

Seljandi er Computer.is, rekið undir kennitölu Tæknibæjar ehf, kt. 420797-2819. VSK númer 54934. Kaupendur eru þeir sem skráðir eru fyrir kaupum skv. reikningi. Aðeins þeir sem náð hafa 15 ára aldri mega panta vörur á Computer.is. Skilmálarnir geta tekið minniháttar breytingum án fyrirvara.

Vöruafhending

Hægt er að sækja pantanir í verslun okkar að Skipholti 50c, 105 Reykjavík. Einnig sendum við vörur hvert á land sem er með Póstinum daglega. Hægt er að óska eftir akstri innan höfuðborgarsvæðisins innan 90 mínútna gegn vægu gjaldi, gildir aðeins ef pantað er fyrir kl 16:00 alla virka daga. Ef pöntun er ekki sótt innan viku má starfsfólk ógilda pöntunina.

Skilaréttur

Computer.is býður upp á 14 daga skilarétt að minniháttar skilyrðum uppfylltum. Varan þarf að vera í upprunalegu ástandi. Allar umbúðir og allir fylgihlutir þurfa að vera til staðar. Framvísa þarf nótu við skilum. Starfsfólk Computer.is áskilur sér rétt til þess að taka allt að 15% skilagjald ef þörf þykir. Skilarétturinn gildir ekki um vörur sem hægt er að fullnýta á innan við 14 dögum. Hann gildir ekki um sérpantanir. Skilarétturinn gildir ekki um eftirfarandi vörur: Tölvur, spjaldtölvur, fartölvur, rekstrarvörur, hugbúnaður, prentarar og sérsniðnar vörur.

Upplýsingar

Computer.is veitir upplýsingar um vörur og þjónustu með fyrirvara um innsláttarvillur, verð, myndir, lagerstöðu og bilanir. Ef vara er uppseld þá áskilur Computer.is sér rétt til að aflýsa sölu í heild eða að hluta til og endurgreiða upphæðina. Farið er með persónuupplýsingar sem algjört trúnaðarmál og þær einungis nýttar til að ljúka viðkomandi viðskiptum og tryggja góða þjónustu. Viðkvæmar greiðsluupplýsingar fara ávallt í gegnum örugga vefsíðu Valitor eða Netgíró þar sem notast er við SSL tengingar, slíkar upplýsingar koma aldrei við sögu hjá okkur né vefsíðunni okkar. 

Greiðsla

Allar kortagreiðslur fara í gegnum örugga, dulkóðaða kortasíðu Valitor með alþjóðlegum stöðlum um öryggi kortaupplýsinga. Einnig bjóðum við upp á millifærslu, Netgíró, viðskiptareikning, kortalán, reiðufé og fleira.

Verð

Sama verð gildir almennt á netinu og í verslun en afsláttarkóðar gilda aðeins ef pantað er á netinu. Fyrirtæki, einstaklingar og stofnanir geta sótt um sérstök afsláttarkjör ef viðskipti eru tíð. Verð eru birt með virðisauka. Verð getur breyst án fyrirvara.

Ábyrgð

Computer.is veitir tveggja ára neytendaábyrgð til einstaklinga skv. neytendalögum. Ábyrgð til fyrirtækja er eitt ár skv. lögum um lausafjárkaup. Ef vörur hafa lengri ábyrgðartíma þá er það tekið fram sérstaklega á reikningi. Reikningur gildir sem ábyrgðarskírteini. Ábyrgð nær hvorki til eðlilegs slits eða notkunar á rekstrarvörum né annarra vara sem eiga ekki að endast út ábyrgðartíma. Ábyrgð fellur úr gildi ef utanaðkomandi aðili framkvæmir tilraun til viðgerðar, opnar/rífur innsigli, vara hlítur slæma/ranga meðferð, ef rangur spennubreytir eða rangt hleðslutæki er notað við vöruna. Hugbúnaður og gögn eru aldrei innan ábyrgðar og bendum við viðskiptavinum á að taka afrit af gögnum reglulega. Computer.is áskilur sér rétt til þess að staðfesta bilun áður en viðgerð/útskipting á sér stað. Ef bilun fæst ekki fram getur hóflegur kostnaður fallið á viðskiptavin.

Sérpantanir

Ekki er hægt að skila sérpöntunarvörum. Starfsmenn Computer.is geta farið fram á að varan sé að hluta eða að fullu fyrirframgreidd.

Eignaréttur

Seldar vörur eru eign seljanda þar til kaupverð er að fullu greitt, þetta gildir einnig um reikningsviðskipti.

Nánari upplýsingar

Okkar markmið er skýrt, það er að bjóða vandaðar tölvuvörur á góðu verði með eins góðri þjónustu og við mögulega getum veitt. Ef spurningar vakna eða eitthvað er óljóst í skilmálum þessum þá má hafa samband með tölvupósti á info@computer.is eða símleiðis í 582-6000. Þín ánægja er okkar markmið.

 

Með von um framtíðarviðskipti,
Starfsfólk Computer.is