Myndarammi 10" WiFi HD IPS Touch SVARTUR

Framleiðandi: PROS Electronics
Framl.númer: 9410054271812
Vörunúmer: 10226

Ekki til/Væntanleg

ATH: NÚ HAFA DENVER MYNDARAMMARNIR TEKIÐ VIÐ AF ÞESSUM

Sendu myndir til vina og vandamanna með einföldu appi. Glæsilegur 10" IPS 1280x800 myndarammi með snertiskjá sem standa má lárétt eða lóðrétt (auto rotate). Innbyggt 16GB minni ásamt microSD kortarauf fyrir aukið geymslupláss. Styður myndbönd allt að 30 sek. Hægt er að senda myndir með tölvupósti beint á rammann (með mynd sem viðhengi) - netfang valið í uppsetningu. Til viðbótar er innbyggður FTP sever en þannig má bæta við (og eyða) myndum af rammanum í gegnum PC tölvu með því að festa sem netdrif (NAS) í tölvu. Ramminn keyrir á Android 6.0 stýrikerfi sem sniðið er að myndarammanotkun.

Vara ekki fáanleg lengur.


Frí heimsending
Verð: 16.990 kr

Fá tilkynningu þegar varan lendir

Myndarammi 10" WiFi HD IPS Touch svartur

  • Sendu myndir í gegnum netið heim í stofu, á skrifstofuna, til skildmenna á sára einfaldann hátt með appi.
  • Margir notendur geta tengst einum og sama rammanum. Einnig má bæta mörgum römmum við eitt og sama appið. 
  • Einnig er hægt er að senda tölvupóst með mynd í viðhengi beint á rammann. Við uppsetningu er netfang valið.
  • Með PC Control er einnig hægt að bæta myndum inn á rammann í gegnum tölvu sem tengd er við sama netkerfi (FTP)
  • Innbyggð veðurstöð og klukka

Tæknilegar upplýsingar

  • Skjár: HD1280x800 IPS snertiskjár
  • Geymslupláss: 16GB (~10GB laus)
  • Kortarauf: MicroSD allt að 32GB
  • Net: Wireless-N
  • Spennubreytir: 5V, 2.0A fylgir með
  • Litur: SVARTUR
  • Stýrikerfi: Android

Uppsetning

  1. Þegar kveikt er á rammanum í fyrsta skipti kemur valmynd á skjáinn þar sem velja þarf viðeigandi WiFi net og slá inn lykilorð.
  2. Eftir það er smellt á örina efst uppi í hægra horninu.
  3. Nú þarf að hafa snjalltæki við hendi sem tengt er við sama WiFi net (síma eða spjaldtölvu).
  4. Nú þarf að sækja OurPhoto appið sem nálgast má í gegnum Play Store og App Store og stofna aðgang.
  5. Eftir það er smellt á "Devices" og svo á "+" við hliðina á "My Devices"
  6. Þá koma þrír dálkar sem fylla þarf út: "Device Name" inniheldur nafn á myndarammann (til dæmis Svefnherbergi). "Device email address" inniheldur það netfang sem þú vilt geta sent myndir á sem síðan birtast á rammanum. "Frame ID" er kennitala myndarammans sem fram kemur á skjánum í uppsetningarferlinu en einnig undir "Settings" eftir uppsetninguna.
  7. Ef allt gekk að óskum ætti nú að birtast takki á rammanum sem á stendur "Complete". Smellt er á takkann.
  8. Þá er farið í "User Management" og smellt á "Accept" þar sem nýr notandi er samþykktur sem eigandi rammanns.
  9. Nú er ráðlagt að fara í "System settings" og stilla klukkuna, dagsetninguna o.s.frv.
  10. Uppsetningu er lokið.

Smelltu HÉR fyrir handbók á ensku.

Algengar spurningar og leiðbeiningar

  • Ef ég sendi myndir á rammann, fara þær sjálfkrafa í birtingu?
    • Já, en það gæti tekið rammann allt að mínútu að móttaka myndirnar. Síðan fara þær sjálfkrafa í spilun ásamt þeim myndum sem fyrir voru á rammanum.​
  • Hvað heitir appið?
    • Appið heitir OurPhoto og er aðgengilegt í Google Play Store og Apple App Store.
  • Get ég sent margar myndir í einu?
  • Ef ég er með marga myndaramma, get ég þá sent mynd(ir) á alla í einu?
  • Hvernig sendi ég myndir úr tölvunni minni inn á rammann?
    • Til þess þarf að virkja "PC Control" í rammanum undir "Settings". Eftir það kemur á skjáinn staðnæm FTP IP tala sem hægt er að festa sem netdrif (NAS) í tölvum.
    • Þannig má síðan bæta við og eyða myndum á einfaldan hátt í gegnum tölvu.
    • Þessi eiginleiki virkar einungis staðbundið innan sama nets. Til að nota FTP tengingu yfir internetið (út úr húsi) þarf að opna á port á routernum. Við slíkar aðstæður mælum við frekar með því að nota appið sem virkar yfir internetið án sérstakra stillinga.
  • Ef ég sendi mynd á rammann í gegnum OurPhoto appið, get ég þá eytt í PC tölvu í gegnum FTP?
    • Nei, einungis er hægt að eiga við myndir í gegnum FTP sem var bætt inn með FTP tengingunni.
  • Hvernig eyði ég myndum af rammanum?
    • Ef myndum er bætt við rammann með appinu þarf að eyða þeim út á rammanum sjálfum. Hægt er að eyða einni, mörgum eða öllum myndum á einfaldan hátt.
    • Ef myndum er bætt við rammann með FTP tengingu (PC Control) - þá er hægt að eyða þeim í gegnum tölvuna eða á rammanum sjálfum.
  • Er hægt að nota ramman á hefðbundin hátt án þess að þurfa app eða senda myndir í tölvupósti?
    • ​Já, hægt er að setja myndir inn á MicroSD kort og setja það í rammann og spila þannig myndir beint af minniskorti.
  • Er hægt að láta rammann kveikja og slökkva á sér sjálfkrafa?
    • Já, hægt er að stilla klukkan hvað hann kveikir og slekkur á sér. Einnig er hægt að velja á hvaða vikudögum það á sér stað. 
  • Getur hver sem er sent tölvupóst á myndarammann og þá fer sú mynd í birtingu sjálfkrafa?
    • Nei, samþykkja þarf hverja email addressu fyrir sig í eitt skipti fyrir öll. Þannig er tryggt að óprúttnir aðilar geti ekki sent myndir á myndarammann.
    • Til þess að samþykkja nýtt netfang þarf viðkomandi að senda tölvupóst skv. leiðbeiningum sem koma fram í rammanum sjálfum. Síðan er farið í "User Management" og smellt á "Accept" (getur tekið nokkrar mínútur).
  • ​Hvernig leyfi ég öðrum að fá aðgang að myndarammanum mínum í gegnum OurPhoto appið?
    • Viðkomandi þarf að byrja á því að sækja appið og stofna sinn eigin aðgang. Síðan er smellt á "+" undir "Other Devices" og þar þarf að fylla út nafn myndarammans sem eigandi valdi í uppsetningu ásamt FrameID (kennitölu rammans). Eftir þetta þarf að fara í "User Management" á myndarammanum sjálfum og smella á "Accept" til að samþykkja viðkomandi sem notanda að rammanum.
  • ​Í hvaða röð birtast myndirnar?
    • ​Hægt er að birta af handahófi eða í þeirri röð sem þeim var bætt inn á rammann
  • ​Er hægt að slökkva á hljóðinu sem fylgja myndböndum sem send eru á rammann?
    • ​Já, það er hægt að hækka og lækka í hljóðinu að vild.

Tengdar vörur

Kortalesari Icybox USB3 SD/MicroSD/CF IB-CR301-U3

Til á lager
3.490 kr

Minniskort Kingston Canvas Select Plus 32GB

Til á lager
1.690 kr