Spurt og svarað um þjónustu Computer.is

1. Er hægt að greiða með raðgreiðslum hjá Computer.is? En léttgreiðslum?

Já, hægt er að gera raðgreiðslusamninga til 36 mánaða. Ef þú hyggst greiða með raðgreiðslum, veldu þá raðgreiðslur sem greiðslumáta og við göngum þá frá raðgreiðslusamningi þegar þú kemur að sækja vöruna. Þegar greitt er með léttgreiðslum, skiptir þú heildarupphæð á allt að 3 mánuði á kreditkortið þitt. Þú velur greiðslumátann greitt á staðnum og svo verður gengið frá samningi í vöruafhendingu. ATH hægt er að skipta að hámarki 40.000 króna greiðslu á mest 3 mánuði.

Efst á síðu

2. Er öruggt að gefa upp kortanúmer á Computer.is?

Já, það er 100% öruggt að gefa upp kortanúmerið á Computer.is. Við erum með dulkóðað samband á milli tölvunnar þinnar og Computer.is þegar þú velur greiðslumáta og gefur upp kortanúmerið þannig að ekki sé mögulegt fyrir nokkurn að fylgjast með eða afrita þær upplýsingar sem þú slærð inn og sendir til okkar. Hægt er að sjá hvort þú sért á öruggri vefsíðu með því að skoða neðst á skjánum gulan hengilás, en hann gefur til kynna um að þú sért á öruggri vefsíðu. Hægt er að smella á lásinn til að fá frekari upplýsingar um öryggi síðunnar.

Þegar þú greiðir með kreditkorti, þá berst kortanúmerið ásamt pöntun inn til okkar, en ekki er tekin sjálfvirk greiðsla í gegnum internetið. Starfsmenn Computer.is taka greiðsluna handvirkt í gegnum posa og staðfesta að um réttan korthafa og kortanúmer sé að ræða.

Efst á síðu

3. Er veittur staðgreiðsluafsláttur hjá Computer.is?

Öll verð á Computer.is miðast við staðgreiðslu. Sé valinn annar greiðslumáti eins og raðgreiðslur, leggst kostnaður ofan á heildarverð pöntunar. Símgreiðsla eða eingreiðsla með kreditkorti telst til staðgreiðslu.

Efst á síðu

4. Er hægt að fá tilboð í pöntun á mörgum íhlutum? Er veittur magnafsláttur þegar gerð er stór pöntun?

Computer.is er netverslun sem býður upp á hágæða tölvubúnað á verði eins og það gerist best á íslenskum markaði. Við flytjum vörurnar inn sjálfir og tryggjum þar með lægra vöruverð heldur en margir af okkar helstu samkeppnisaðilum. Við gerum ekki sérstök tilboð, enda er aðeins hægt að versla með því að panta vörurnar á netinu á www.computer.is
Af sömu ástæðum er ekki veittur sérstakur magnafsláttur. Það borgar sig að versla á Computer.is.

Efst á síðu

5. Er hægt að koma í Computer.is og versla án þess að panta á netinu fyrst?

Öll viðskipti Computer.is verða að fara í gegnum netverslun okkar. Við bjóðum því miður ekki upp á að viðskiptavinir geti skráð sig inn á staðnum og lagt inn pöntun. Við viljum vekja athygli á því að samkvæmt skilmálum okkar höfum við 24-48 klukkustunda frest til þess að afgreiða pantanir áður en þær eru afhentar. Er þessi fyrirvari hafður ef varan sem pöntuð er, er ekki til á lager. Undir eðlilegum kringumstæðum er hægt að fá vöruna afhenta samdægurs.

Munið að panta á netinu áður en þið komið á staðinn að sækja vörur!

Efst á síðu

6. Hvernig fæ ég samband við vöruafhendingu Computer.is?

Við viljum benda viðskiptavinum okkar á að senda allar almennar fyrirspurnir á info@computer.is
Við keppumst við að svara fyrirspurnum í tölvupósti samdægurs.

Efst á síðu

7. Er hægt að fá tæknilegar upplýsingar í gegnum síma hjá Computer.is?

Ekki er veitt tækniþjónusta í síma hjá Computer.is. Við viljum benda viðskiptavinum okkar á að senda allar almennar fyrirspurnir á info@computer.is
Við keppumst við að svara fyrirspurnum í tölvupósti samdægurs.

Efst á síðu

8. Hvar er verkstæði Computer.is til húsa?

Verkstæði Computer.is er staðsett í Skipholti 50C á annarri hæð, til hægri. Þetta er sameiginlegt verkstæði Computer.is og Tæknibæjar.
Til að athuga stöðu verks er hægt að fletta upp verknúmeri á tb.is eða hringja í Tæknibæ í síma 551-6700.

Verkstæðið er opið alla virka daga frá 10-18 en er lokað um helgar.

Efst á síðu

9. Hvernig reiknast sendingarkostnaður á pöntun?

Öllum vörum er skipt niður í 3 þyngdarflokka.

Í almennri póstsendingu er grunnkostnaður 600 kr og svo bætist við kostnaður per vöru eftir þyngdarflokki.
Flokkur 1 (léttustu vörurnar) er 50 kr. per vöru.
Flokkur 2 er 100 kr. per vöru.
Flokkur 3 er 200 kr. per vöru.
Ef þú kaupir t.d. penna sem er í flokki 1, þá er sendingarkostnaður 650 kr.
Ef þú kaupir skjákort sem er í flokki 2 þá er sendingarkostnaður 700 kr.
Ef þú kaupir prentara sem er í flokki 3 þá er sendingarkostnaður 800 kr.
Ef þú kaupir skjákort og prentara í sömu pöntun er sendingarkostnaður 900 kr.

Í ábyrgðarsendingu er grunnkostnaður 900 kr og svo bætist við kostnaður per vöru eftir þyngdarflokki.
Flokkur 1 (léttustu vörurnar) er 100 kr. per vöru.
Flokkur 2 er 200 kr. per vöru.
Flokkur 3 er 300 kr. per vöru.
Ef þú kaupir t.d. penna sem er í flokki 1, þá er sendingarkostnaður 1.000 kr.
Ef þú kaupir skjákort sem er í flokki 2 þá er sendingarkostnaður 1.100 kr.
Ef þú kaupir prentara sem er í flokki 3 þá er sendingarkostnaður 1.200 kr.
Ef þú kaupir skjákort og prentara í sömu pöntun er sendingarkostnaður 1.400 kr.

Þegar viðskiptavinir fá vörur sendar með póstkröfu, þá er greitt fyrir vöruna ásamt sendingarkostnaði við afhendingu og leggst sendingarkostnaður á vöruna skv. verðskrá Íslandspósts.

Efst á síðu

10. Hvað tekur langan tíma fyrir mig að fá pöntunina senda?

Allar vörur eru sendar með Íslandspósti. Vörur eru sendar samdægurs séu þær til á lager og pöntun berist fyrir klukkan 14. Þær pantanir sem berast eftir klukkan 14 fara frá Computer.is daginn eftir, séu þær til á lager. Pöntun berst yfirleitt til viðskiptavina næsta virka dag frá því að hún er send frá Computer.is, þó getur flutningur tekið lengri tíma í einstaka tilfellum.

Efst á síðu

11. Ef ég panta vöruna í ábyrgðarpósti og eitthvað kemur fyrir hana í flutningi, fæ ég vöruna bætta?

Já

Efst á síðu

12. HJÁLP - Ég er nýr viðskiptavinur, hvernig verslar maður á Computer.is?

Þar sem Computer.is er netverslun, þá eru tæknilegar upplýsingar og verð á öllum vörum á netinu. Hér koma leiðbeiningar til þess að setja vörur í körfu, fá heildarkostnað og versla á Computer.is.

1. Efst í hægra horni síðunnar er reitur þar sem stendur "Viðskiptavinur". Smelltu á hér til að skrá þig inn.
2. Ef þú hefur skráð þig inn áður, þá setur þú netfangið þitt og lykilorðið sem þú notaðir til að skrá þig inn og smellir á "áfram".
3. Ef þú hefur ekki skráð þig inn áður, þá setur þú netfangið þitt í efsta reitinn og setur svo punkt með músinni í reitinn "Ég hef ekki skráð mig inn áður". Svo smellir þú á "áfram".
4. Þá ertu beðinn um upplýsingar um kennitölu, nafn, heimilisfang, lykilorð sem þú óskar eftir að nota o.s.frv. Þú fyllir umbeðna reiti út með viðeigandi upplýsingum og smellir svo á "áfram".
5. Þá ertu búinn að skrá þig sem viðskiptavin Computer.is og ferð sjálfkrafa á forsíðu Computer.is.
6. Nú ferðu aftur efst í hægra hornið á Computer.is þar sem stendur "Viðskiptavinur" og smellir á "hér" til að skrá þig inn.
7. Þú slærð inn netfang og lykilorð sem þú gafst upp áðan í viðeigandi reiti og smellir á "áfram".
8. Þú ert nú kominn á forsíðu Computer.is og efst í hægra horninu undir "Viðskiptavinur" stendur: "nafnið þitt" er skráð/ur inn.
9. Nú getur þú skoðað vörur eftir flokkum og valið þær vörur sem þú hefur áhuga á að versla í körfuna. Allar vörur sem þú velur "Setja í körfu" bætast í körfuna þína, en karfan birtist efst hægra megin á síðunni undir "Karfan þín".
10. Þegar þú ert búin(n) að velja þær vörur sem þú hefur áhuga á að versla eða fá heildarverð á, þá smellir þú neðst í körfunni hægra megin á síðunni á "Karfan/Panta".
11. Nú sérðu alla íhlutina sem eru í körfunni ásamt verði. Þarna getur þú séð heildarkostnað íhlutanna. Til þess að fjarlægja íhluti úr körfunni, setur þú 0 í magn viðeigandi vöru og smellir á Endurreikna.
12. Til þess að kaupa og ganga frá pöntun á þeim íhlutum sem í körfunni eru, velur þú sendingarmáta og smellir á "áfram".
13. Þegar þú hefur valið sendingarmáta og smellt á "áfram", þá þarftu að velja greiðslumáta. Hafir þú valið "Verður sótt" í skrefinu á undan, þá getur þú valið "greitt á staðnum" og gengið frá greiðslu þegar þú kemur að ná í vöruna. Engu máli skiptir hvernig greitt er þegar valið er "greitt á staðnum". Hafir þú valið "Póstsendingu" þá getur þú greitt með kreditkorti eða netgreiðslu. Hafir þú valið póstkröfu, þá greiðir þú fyrir pöntunina við afhendingu Íslandspósts. Þegar búið er að velja greiðslumáta, smellir þú á "áfram".
14. Á þessari síðu gefst þér kostur á að lesa skilmála Computer.is, en það er nauðsynlegt að samþykkja skilmálana áður en gengið er frá pöntun. Þegar þú hefur lesið og eða samþykkt skilmálana með því að smella með músinni í reitinn "Ég hef lesið skilmálana og samþykki þá", smellir þú á "Panta". Þú færð staðfestingu um að pöntunin hafi verið send og skömmu síðar færð þú tölvupóst til staðfestingar um að pöntun hafi verið framkvæmd.

Ef þú hefur einhverjar spurningar, sendu okkur þá tölvupóst á info@computer.is Við reynum að svara öllum fyrirspurnum samdægurs.

Efst á síðu

13. Ef ég óska eftir að millifæra, hvar á ég að leggja inn?

Ef þú vilt millifæra inn á reikning okkar, vinsamlega sendu okkur þá tölvupóst á info@computer.is þegar þú hefur lagt inn, með öllum upplýsingum þannig að greiðsluupplýsingarnar komist til gjaldkera okkar. Reikningur okkar er í Íslandsbanka, númer 318-26-1386 og kennitalan er 420797-2819.

Efst á síðu

14. Af hverju er vöruverðið með því lægsta á íslenskum markaði hjá Computer.is?

Með tilkomu Netsins urðu til ný tækifæri fyrir íslenska tölvunotendur til kaupa á búnaði. Netið veitti þeim aðgang að netverslunum um allan heim. Ávinningurinn var betra úrval og lægra verð. Vegna legu landsins urðu kaupendur að sætta sig við töluverðan flutningskostnað og óöryggi vegna þess hve erfitt er að fá vöru bætta í svona viðskiptum á milli heimshluta. Við hjá computer.is sáum að þarna var hægt að gera betur og setjum því upp fullkomna og samkeppnishæfa netverslun á Íslandi. Verslunin miðar starfsemi sína fyrst og fremst við þarfir íslenskra viðskiptavina. Fyrirtækið getur með hagstæðum magninnkaupum frá framleiðendum og góðum flutningasamningum boðið hagstæð verð, stuttan afgreiðslufrest og fulla ábyrgð á seldum vörum.

Við bjóðum: Hagstæðari heildarverð - Betri þjónustu - Styttri afgreiðslutíma

Efst á síðu

15. Er Computer.is og Tæknibær sama fyrirtækið?

Computer.is og Tæknibær er rekið undir sama hatti (kt.420797-2819), þ.e. nota sama lager. Computer.is er þó rekin með þeim hætti að ekki er hægt að koma og versla án þess að hafa lagt inn pöntun fyrst.

Efst á síðu

16. Hjá öðrum þjónustuaðilum er nokkurra daga bið eftir vörum á verkstæði, er hægt að fá viðgerð hjá verkstæði Computer.is samdægurs?

Verkstæði Computer.is býður upp á þrenns konar þjónustu, ef svo má að orði komast.

Flýtiþjónusta: Gert er við vöruna samdægurs komi hún inn á verkstæðið fyrir klukkan 14. Aukakostnaður er 4000 krónur með virðisaukaskatti.

Sólarhringsþjónusta: Varan er tilbúin næsta virka dag og kostar það aukalega 2000 krónur með virðisaukaskatti.

Tveggja til sjö daga þjónusta: Varan er tilbúin tveimur virkum dögum síðar, ef varahlutir eru til á lager og engin sérstök vandamál koma upp við viðgerð. Við getum því ekki tryggt að varan verði tilbúin eftir 2 daga. Enginn aukakostnaður er á þessari þjónustu.

Til að athuga stöðu verks er hægt að fletta upp verknúmeri á tb.is eða hringja í Tæknibæ í síma 551-6700.

Efst á síðu

17. Ef ég kem með vöru sem ég tel gallaða á verkstæði Computer.is og ekkert er að henni, þarf ég þá að borga tímagjald?

Þú þarft ekki að greiða fullt tímagjald, heldur aðeins 1.500 króna prufugjald. Við teljum okkur mjög sanngjarna með þessu gjaldi, því oft er um að ræða mjög ítarlegar prufur sem geta tekið langan tíma tæknimanna frá öðrum verkefnum.

Efst á síðu

18. Ef ég held að eitthvað sé að vörunni minni, hvert get ég þá snúið mér til að fá frekari upplýsingar um vöruna?

Til að byrja með er ágætt að vera búin(n) að kynna sér vöruna ítarlega með því að skoða meðfylgjandi bækling og upplýsingar um vöruna hér á Computer.is. Einnig er í flestum tilfellum hægt að tengjast vefsíðu framleiðanda vörunnar héðan frá Computer.is, en tengillinn er þá á sömu síðu og upplýsingar um vöruna. Ef þú finnur ekki lausn við vanda þínum með þessum hætti getur þú komið með vöruna á verkstæði Computer.is í Skipholti 50c og látið athuga vöruna. Athugið að ef ekkert finnst að vörunni rukkum við 1.500 króna prufugjald. Mjög mikilvægt er að þú komir með reikninginn fyrir vörunni sem er jafnframt ábyrgðarskírteini vörunnar.

Efst á síðu

19. Ef ég fékk vöru sem ég pantaði ekki og vil skipta henni, hvert sný ég mér?

Vinsamlega komdu með vöruna til okkar í Skipholt 50c ásamt reikningi eða endursendu hana með afriti af reikningnum. Mundu að reikningur er ábyrgðarskírteini vörunnar. Við afhendum þér þá rétta vöru eftir að við höfum skoðað vöruna sem skilað er og staðfest að hún sé keypt hjá okkur. Munið að skila vörunni innan 14 daga frá því hún var keypt.

Efst á síðu

20. Tekur Computer.is notaða tölvu upp í nýja?

Við tökum því miður ekki notaðar tölvur upp í nýjar.

Efst á síðu

21. Hvar get ég selt notaða íhluti?

Computer.is er ekki í samstarfi við nein fyrirtæki sem selja notaðar tölvuvörur eða íhluti, hins vegar er boðið upp á smáauglýsingaþjónustu í fjölmiðlum og á auglýsingavefjum á netinu.

Efst á síðu

22. Ég pantaði vöru sem er til skv. merkingu á Computer.is, en þegar ég hringdi eða ætlaði að sækja vöruna, þá var hún ekki til. Af hverju er þetta svona?

Computer.is keppist við að vera með lægstu verðin. Á þessum markaði breytast verðin mjög oft þar sem nýjar vörur koma út í hverri viku og óhentugt er að vera með stóran lager. Þess vegna pöntum við vörurnar reglulega og ef það gerist að vörur klárast á milli þess að við fáum þær sendar frá birgjum, geta liðið örfáir dagar frá því að notandi pantar og þangað til hann fær vöruna afhenta. Við áskiljum okkur afhendingarfrest á vörum 24-48 klukkustundir og á þeim tíma geta vörur sem hafa klárast verið komnar í sölu aftur án þess að notandinn verði fyrir verulegum biðtíma eða óþægindum.

Efst á síðu

23. Hvað kostar að láta tæknimenn Computer.is setja saman móðurborð, örgjörva og kæliviftu?

Viðskiptavinum Computer.is býðst að láta tæknimenn á verkstæði setja móðurborð, örgjörva og kæliviftu saman fyrir aðeins 2.950 krónur með virðisaukaskatti. Með þessum hætti tryggir þú að örgjörvinn skemmist ekki við samsetningu.

Efst á síðu

24. En hvað kostar að láta tæknimenn Computer.is setja saman heila tölvu sem ég keypti í pörtum í netversluninni?

Klukkutíma vinna á verkstæði Computer.is kostar 5.900 krónur með virðisaukaskatti. Samsetning vélar tekur yfirleitt eina til eina og hálfa klukkustund. Kostnaður við samsetningu er því frá 5.900 kr með virðisaukaskatti.

Efst á síðu

25. Er ábyrgð á vörum sem keyptar eru hjá Computer.is?

Það er 2 ára neytendaábyrgð á öllum vélbúnaði sem keyptur er hjá Computer.is en 1 árs ábyrgð fyrir fyrirtæki. Athugið að reikningur vörunnar er ábyrgðarskírteini, þannig að glataður reikningur er glötuð ábyrgð. Gætið því að geyma ábyrgðarskírteinið á vísum stað.

Efst á síðu

26. HJÁLP - Ég get ekki skráð mig inn! Lykilorð eða netfang stemma ekki

Ef þú átt í vandræðum með innskráningu þá verður þú að senda okkur póst á info@computer.is með eftirfarandi upplýsingum:

Nafni
Heimilisfangi
Kennitölu
Netfangi
Símanúmeri

Við vekjum athygli á því að einungis er hægt að skrá kennitölu einu sinni. Kennitala er bundin einu netfangi, því er ekki hægt að skrá sömu kennitölu eða netfang tvisvar. Hægt er að skipta um netfang, það má bara ekki vera tvískráð.

Ef þú getur ekki skráð þig inn vegna breytingar á netfangi, þá getur þú sent okkur ofangreindar upplýsingar og við breytum netfanginu fyrir þig.


Efst á síðu

27. Fyrir hvað stendur DVI? En VGA? En Dual Display?

Þessar skammstafanir eiga allar við um skjákort. DVI (Digital Video Input) er stafrænt tengi á skjákortum til þess að tengja skjái með stafrænu tengi við tölvuna. Flestir LCD þunnir skjáir eru með tengi fyrir DVI, en það er hægt að fá millistykki til þess að tengja skjái með hefðbundnu VGA tengi við skjákort.

VGA (Video Graphics Adapter) er hefðbundið tengi á skjákortum til að tengja skjá við tölvuna.

Dual Display þýðir orðrétt tveir skjáir. Skjákort sem eru dual display gefa því möguleika á að tengja tvo skjái við sömu tölvuna og samnýta þá. Flest skjákort sem eru með DVI tengi eru því dual display þar sem hægt er að tengja tvo skjái við tölvuna.

Efst á síðu

28. Ég kom með eða sendi vöru á verkstæði Computer.is og Tæknibæjar, hvernig fæ ég upplýsingar um stöðu verksins?

Til að athuga stöðu verks er hægt að fletta upp verknúmeri á tb.is eða hringja í verkstæðismóttökuna í síma 551-6700, velja 2 og 1 í innvali.

Efst á síðu

29. Hver er opnunartími vöruafhendingar Computer.is?

Vöruafhending Computer.is er opin alla virka daga frá kl. 10-19 og frá kl. 12-17 á laugardögum. Vöruafhending fer fram í Skipholti 50c, í verslun Tæknibæjar. Hægt er að senda fyrirspurnir í tölvupósti á info@computer.is og við keppumst við að svara þeim samdægurs. Sími í vöruafhendingu er 582-6009, en við hvetjum viðskiptavini til að senda almennar fyrirspurnir með tölvupósti á info@computer.is.

Efst á síðu

30. Hver er opnunartími á verkstæði?

Verkstæðið er opið alla virka daga frá 10-18 en lokað um helgar.

Efst á síðu